Lehentasunezko sektoreak bultzatuz eta bazkideak indartuz

Lehentasunezko sektoreak bultzatuz eta bazkideak indartuz

thos-1(srgb).jpg2019ko iraila 03, asteartea

Urtearen bigarren zatira hurbiltzen ari gara eta Oikocrediteko zuzendari kudeatzaileak, Thos Gieskes-ek, kooperatibaren azken aurrerapenen berri eman ditu. Gure lehentasunezko sektoreetan esfortzuak nola bultzatzen ari garen, eta finantzez harago joaten ari garela azaltzen du, gure bazkideei laguntzen beste modu batzuetara ere laguntzeko. Azken finean, helburua haien negozioak eta sareak indartzea da.

Elkarrizketak urte honetako Urteko Batzar Orokorra nabarmentzen du, ekainean egin zena, eta irailean argitaratuko dugun hurrengo eragin txostenari begiratu bat egiten dio.

Zer desberdintasun dago 1975. urtean hasi zen Oikocredit-en eta gaur egungoaren artean?

Desberdintasunik handiena gure eskala da. Hasiera batean mugimendu nolabait txikia ginen.  Ideia handia genuen diru-sarrera gutxiko pertsonen bizitzak aldatzen laguntzeko, baina erabilgarri genuen eskudiru kopurua oso mugatua zen. Elizetako kideen funtsekin hasi ginen, eta askoz ere jende gehiagorengana hel gintezkeela konturatu ginen, betiere gure inbertitzaileen oinarria handitzen bazen. Nondik hasi ginen begiratzen badiogu, elizako kide gutxi batzuekin, eta orain parte hartzen duen jende kopuruarekin alderatzen badugu, oso hunkigarria da. Gaur egun ditugun 57.000 inbertitzaileekin zelai oso bat bete zenezake.

Eragin-inbertsioa 1975. urtean Oikocredit hasi zenean baino askoz ere ohikoagoa da. Zer egiten du Oikocredit-ek gizarte-inbertitzaileengandik bereizteko?

Oikocredit-ek beti jarraitu dio eragin sozialean duen ikuspegiari. Horregatik hain zuzen ere jarraitzen dugu aurrera. Eragin sozialeko nahi hori handitu dela, eta gizarteak, oro har, arduratsuagoa izan nahi duela ikusten dugu, baina Oikocredit-ek arduratsua bakarrik izan nahi du. Egia esan, gure inbertsioek ahalik eta gizarte-eraginik handiena izatea nahi dugu, eta bidezko finantza-etekin bat izatea. Beraz, zenbait erakundek ikuspegi horri jarraitu badiote ere, geuk gure DNAn izan dugu hasiera-hasieratik.

Zein dira Oikocredit-ek garatutako azken aldaketetako batzuk?

Gure estrategia eguneratuaren zati bat gisa, gure helburua da bazkideei balio handiagoa ematea. Horiekin batera, irtenbideak aurkitu nahi dizkiegu beren negozioaren garapenean eragiten duten arazoei.

Iaz, bazkideak sortu ziren, eta finantzatu genituen. Gero, pixkanaka, gaitasunak garatzeko gure ekimenekin laguntzen diegu. Eta gaitasuna sortzeari ematen diogun laguntzak handitzen jarraitzen badu ere, badakigu oraindik asko geratzen dela egiteko, gure bazkideei laguntzeko. Orain, gure negozioek aurre egiten dieten zalantza estrategikoak konpontzen nola lagun dezakegun aztertzen ari gara.

Har dezagun kakao iraunkorra, esaterako. Nekazarien diru-sarrera mailak ez badira handitzen, zergatik gertatzen den jakin behar dugu. Eta horretarako, balio-kate osoa aztertu behar dugu, arazoak zein diren, eta nola egin aurre ikusteko. Diru-sarreren maila ez bada igotzen, orduan beren bizitzak hobetzeko aukerarik ez dute izango. Beraz, ezin da finantzazioa bakarrik izan, ez eta kakaoren kontua izan ere. Arazoei askotariko diziplinetatik egin behar zaie aurre, pertsonen bizitza benetan hobetu nahi badugu. Hori da egiten ari garena, eta horretan jarraituko dugu, gure bazkideei hobeto laguntzeko.

Oikocredit-ek bere Urteko Batzar Orokorra ospatu berri du Herbehereetan. Zer gai jorratu ziren eta zein izan zen emaitza?

Dagoeneko hirugarrena da parte hartzen dudana, eta emaitza, egia esan, ona izan da.  Etorkizunarekin gogoa berotuta zuen jendea ikustea gustatu zitzaidan.

Hala ere, Oikocredit-ek zenbait aldaketa izan ditu denboraldi batean, bere estrategia eguneratua txertatzen duen heinean, finantza-emaitzak hobetzeko. Gure kideak oso ulerkorrak eta solidarioak izan dira.   Jendeak ikusten du zer norabidetan goazen, eta pozik daude bidaia hori gurekin egitearekin.

Prestasun eta positibotasun horrekin tarte handia zegoen munduan gertatzen ari denari buruz eztabaidatzeko, eta Oikocredit, nabarmentzen laguntzeko egiten ari denari buruz hitz egiteko. Halaber, beste gai batzuei buruz ere aritu ginen, hala nola Oikocredit fintech (finantza-teknologia) sektorearen alde egiten ari den gero eta apustu handiagoari buruz.

Jendea ados agertu zen Zuzendaritza Batzordeak egindako % 1eko dibidenduaren proposamenarekin. Ez zen egon eztabaida handirik, gure kideekin etengabe hitz egiten egon garelako, finantza arloan non gauden eta gure estrategia eguneratuarekin zenbait gai nola jorratzen ari garen azaltzeko. 

Bere estrategia eguneratua ezartzen jarraitzen duen bitartean, zerk animatzen du Oikocredit?

Beti gustatzen zaigu bazkide berriak aurkitzea, diru-sarrera txikiak dituzten erkidegoetan, beren bizitzak eta ametsak gauzatzen lagun dezaten.  Eta oso pozik gaude gure bazkideei balio handiagoa emateko ideiarekin, lehen esan dudan moduan.  Gure bazkideei ahalik eta modurik onenean lagundu nahi diegu, bereziki gure bazkideekin eskualde desberdinetan lankidetza estuan ari diren gure lankideekin.

horrez gain, badakit hau askoz ere teknikoagoa dela, baina, ni, behintzat, oso pozik nago hobetzen ari garen prozesuekin.  Zoragarria da ikustea nola erakunde osoko jendeak, gauzak hobetzeko gogoa ere duen. Abian ditugun gure prozesuekin, bazkideei modu egoki eta eraginkorragoan lagundu ahalko diegu. Azkarragoak eta arinagoak izaten ari gara, eta hori pozgarria da. Horrez gain, gure bazkideen jarraipenean hobetzen ari gara.  Hori ez da zaintzeko, baizik eta beren gizarte-eginkizunak betetzen laguntzeko. Halaber, informazio gehiago partekatu nahi dugu gure kide, inbertitzaile eta gizarte-eragina duen inbertsio-sarerik zabalenarekin, gure bazkideak egiten ari diren lan handiari buruz.

Ba al dago Oikocredit hartzen ari den norabidea jasotzen duen eremurik, eta zertan desberdintzen da aurrekoaren aldean?

Energia berriztagarriko estrategian izango ditugu aldaketak.  1975. urtean hasi ginenean, jende gehiena ez zegoen hain kezkatuta lurrari gertatzen ari zaionarekin. Baina, gaur egun, kezka handia da, eta horretan jartzen dugu arreta.

Ez dugu nahi ingurumenerako proiektuetan bakarrik inbertitu. Ziurtatu nahi gara arlo honetan egiten ditugun inbertsioak gizarte arloan egiten direla. Finantzatzen ari diren energia berriztagarriko proiektu handi asko daude, baina benetan behar dena energia garbia da, diru-sarrera txikiko erkidegoentzat. Sukalde garbia, guretzako eremu berria, horren adibide handia da. Ia 4 milioi pertsona behar baino lehen hiltzen dira urtero sukaldeak sortutako airearen kutsadurak eragindako gaixotasunengatik. Horietako gehienak dira, hain zuzen ere, diru-sarrera baxuenekin bizi direnak. Sukalde garbia ez da hobea ingurumenerako bakarrik; bizitzak salba ditzake, eta hor inbertitu nahi dugu.

Lehen esan dudan moduan, gure nekazaritza-bazkideen balio-kate osoa ere aztertu nahi dugu.  Lehen, kooperatiba edo nekazari txikiei bakarrik ematen genien finantza-laguntza, inork ez zielako dirurik eman nahi, eta egin genuen. Horrek motibatzen bagaitu ere, hori ez dela nahikoa konturatu gara. Kooperatiba txikiek eta nekazariek erronka ekonomiko handiei aurre egiten dietela ikusten dugu, eta horrek beren biziraupena zailtzen du. Horretan eragin handia dute nekazaritzaren arloko balio-katean dauden eraginkortasun eza askok. Arlo horretan, informazioa eta laguntza eman dezakegu.

Nekazaritzaren ingurumen alderdia funtsezkoa da guretzat, lurraren baliabideetako asko erabiltzen dituelako, baina aldi berean, munduak jan behar du. Horrela, urarekin eta beste baliabide batzuekin eraginkorragoak izaten lagun ditzakegu gure bazkideak.

Zergatik kezkatu beharko luke jendeak Oikocredit-en lanarengatik, munduan hainbeste gai desberdin badaude?

Egia da. Zoritxarrez, borrokatu behar dugun premiazko gai asko daude, baina nik esango nuke Oikocredit-en lana oso garrantzitsua dela. Horrez gain, esango nuke, gai asko euren artean lotuta daudela. Klima-aldaketari erreparatzen badiogu, esaterako, zamarik handienetako batzuk, lan egiten dugun pertsonengan amaitzen dira. Horregatik arduratzen gara ingurumeneko gaietan gure lana egitean.

Baina garrantzitsua da gogoratzea ez duzula aukeratu behar arlo bat bakarrik. Aukeratu zure ustez merezi dutenetako batzuk, eta horien barruan, Oikocredit-ek egiten duen lana barne hartu behar da.

Gainera, Oikocredit inbertsioak bilatzen ari da. Esaten ari gara zure dirua, behar ez duzun bitartean gauza onetarako erabiltzea nahi baduzu, gure uztea. Eta zure dirua berreskuratu nahi duzunerako, gauza handiak eginda izango ditugu horrekin. Inbertsioak eskaintzen ditugun bitartean, dohaintzak ongi etorriak dira, noski, gure inbertsio-funtsa finantzatzen laguntzeko.

« Atzera