Inbertitzeko prest? Aukeratu bizi zaren eskualdea

Lehioa iztea
Sevilla Catalunya Euskadi

Zer dira laguntza erakundeak?

Oikocredit-ren laguntza erakundeak legalki irabazi asmorik gabeko erakundeak sortzen duten pertsona boluntarioen multzoa da. Bazkideak erakundearen parte oso garrantzitsua dira eta sentsibilizazio eta hedapen ekintzak betetzen dituzte. Laguntza erakundeak Nazioarteko Oikocrediten bazkide zuzenak dira eta Espainiako bazkide guztiak ordezkatzen ditu. Gaur egun Espainian hiru laguntza erakunde daude: Euskadi, Catalunya eta Sevilla.

Boluntario talde aktibo bat ere Madrilen dago (talde honi eta bere jarduerei buruzko informazio gehiago esteka honetan daukazu: www.madrid.oikocredit.es.)

Bilatu

Patagoniaren iparraldean fruta-ekoizleei laguntzen dieten kooperatibak

Patagoniaren iparraldean fruta-ekoizleei laguntzen dieten kooperatibak

2017ko urriak 04, asteazkena

Herminio Antonio Urrutiak 61 urte ditu eta Fruta Kooperatibako kidea da Argentinako Ipar Patagonian duela 20 urte baino gehiagotik, edo berak dioen moduan: "Nire negozioa hasi nuenetik!"

Herminio bere familiaren granjan hasi zen lanean 14 urte zituenean, mahats-biltzean laguntzen. Jabea kidea zen fruta-granja batean 18 urteko langilea zela fruta-kooperatibaren berri izan zuen lehen aldiz. Herminiok bere negozioa hasiko zuela amestu zuen eta 1995. urtean bere lehen lurzatia erosi zuen: sei hektarea, barazkiak landatzeko. Geroago, fruta-laborea aldatzea erabaki zuen, sagarrak eta madariak bereziki. Eskualde hori frutak ekoizteko egokitasunarengatik da ezaguna.

Hazkunde iraunkorra
Kooperatibaren laguntzari esker, urteetan zehar etengabe haztea lortu du. Gero eta handiagoak ziren lurrak erosi eta alokatu zituen, eta orain 20 hektareako eremu bat du. Azalera handiagoko lursail bat alokatzen du bere sagarrak eta madariak landatzeko: 62 hektarea guztira, urtean 1.200 tonako fruta-ekoizpenarekin.

Herminioren istorioa eskualdeko beste frutazain batzuenaren antzekoa da, izan ere, kooperatiba baten laguntza egokia eta garrantzitsua izan da, bere negozioa handitzeko aukera izan duelako. Urteetan zehar kooperatibak finantzazioa eta lan-kapitala eman dizkio bere negoziorako; baita prestakuntza eta orientazioa ere nekazaritza-teknika eraginkorretan.

Tamaina garrantzitsua da industria lehiakor batean
"Lehen Fruta Kooperatiba" Argentinako Ekoizpen Integratuen (AEI) partzuergoko kidea da. Frutak ontziratzen dituzten 12 enpresetako eta kooperatibetako fruta freskoak esportatzen dituen partzuergo bat da PAÍ Argentinako Río Negro eta Neuquén probintzietan. Oikocredit 2015. urtean egin zen AEIren bazkide, AEIren jarduerek bertako ekonomian zuten eragina ezagutzean. AEIk 280 fruta-ekoizle txiki eta ertain inguruk landatutako frutak (sagarrak eta madariak nagusiki) komertzializatzen ditu. Fruta-freskoen merkatua oso lehiakorra da eta enpresa multinazional handi gutxi batzuen eskuetan dago, beraz, oso zaila da fruta-ekoizle txikientzat bere produktuak modu independentean komertzializatzea. AEIren egiturari, finantza-laguntzari eta eskalako ekonomiei esker, frutazainek bidezko prezioak eta prezio gardenak lor ditzakete bere produktuetarako. AEIk biltzeko eta horniduren eta materialen baterako erosketa eskaintzen du, eta horrek nekazariek hornitzaileekin negoziatzeko duten ahalmena handitzen du.
Nekazarien gaitasunak eta esperientziak garatzen

AEIk eginkizun garrantzitsua du nekazariek ekoizteko metodoak hobetzeko eta ekoizpena handitzeko behar dituzten ezagutzak eta gaitasunak hornitzen. Federazioak bere erakunde kideek emandako prestakuntza-programei laguntzen die eta besteak beste inausketari, uztari, ureztatzeari, nutrizioari eta ingurumenaren babesari buruzko orientazioa ematen du. Baterako programak ezarri du nazioarteko ziurtapen-enpresekin, nekazaritzako eta manufakturako jardunbide egokiei begira.

Ekoizpen organikoa gero eta handiagoa
AEI Latinoamerikako fruta-esportatzailerik handienetako bat da eta bere produktuak 40 herrialde baino gehiagotara esportatzen ditu. Bereziki interesgarria da AEIren eginkizuna fruta organikoen ekoizpenari laguntzen: AEI fruta organikoen esportatzailerik handienetako bat da, eta gero eta garrantzitsuagoa da arlo hori. Izan ere, produktu organikoak AEIren esportazioen % 20a dira gaur egun.
Herminioren nekazaritza-lurren 62 hektareatan, 18 hektarea ekoizpen organikorako dira. Gainerako lurra, berriz, produktu organikotara aldatzen ari da. Herminioren fruta-negozioak etengabe hazten jarraitzen du, eta uztaldian langile kopurua hirukoizten du: 18. Herminiok kooperatiboan duen partaidetza elkarte emankor gisa deskriba daiteke konfiantzaz.

« Atzera